Indira Dashଦୀର୍ଘ ଚାରିଦଶନ୍ଧିରୁ ଊର୍ଦ୍ଧ୍ୱ ସମୟ ଧରି ନିଜ ଗପରେ ସମାଜର ସମସ୍ୟାକୁ ସାଉଁଟୁଥିବା, ଆଉଟୁଥିବା ଗାଳ୍ପିକା ଇନ୍ଦିରା ଦାଶଙ୍କର ଓଡ଼ିଆ ସାହିତ୍ୟକୁ ଅବଦାନ ଅତୁଳନୀୟ । ସରଳ ହୃଦୟସ୍ପର୍ଶୀ ଭାଷା ଓ ସାମାଜିକ ତ୍ରୁଟି-ବିଚ୍ୟୁତିର ପ୍ରତିଶ୍ରୁତିରେ ପୂର୍ଣ୍ଣ ତାଙ୍କର ଗଳ୍ପ ଓ ଉପନ୍ୟାସଗୁଡ଼ିକ । ଏହି ସଂକଳନଟି ତା୍କର କେତୋଟି ଉପନ୍ୟାସିକାକୁ ନେଇ ପ୍ରସ୍ତୁତ । ତାଙ୍କର ଗଳ୍ପ, ଉପନ୍ୟାସର ଚରିତ୍ରମାନେ ଏତେ ବଳିଷ୍ଠ ଯେ ସେମାନେ ପାଠକମାନଙ୍କୁ ଦୀର୍ଘକାଳ ଧରି ବାନ୍ଧି ରଖିପାରନ୍ତି । ସେ ଗଳ୍ପ, ଉପନ୍ୟାସ ବ୍ୟତୀତ କିଛି ଶିଶୁ ସାହିତ୍ୟ ଭ୍ରମଣ କାହାଣୀ ଓ କବିତା ମଧ୍ୟ ରଚନା କରିଛନ୍ତି । ଲେଖିକା ଦୀର୍ଘ ସମୟ ଧରି ରେଳଜୀବନ ସହିତ ଜଡ଼ିତ ଥିବା ହେତୁ ତାଙ୍କର ଅନେକ ଗଳ୍ପ ରେଳଜୀବନ ଉପରେ ଆଧାରିତ । ଏଯାବତ୍ ତାଙ୍କର ପଚିଶଖଣ୍ଡ ଗଳ୍ପ ସଂକଳନ ଓ ସାତଖଣ୍ଡ ଉପନ୍ୟାସ ପ୍ରକାଶ ପାଇଛି । ତାଙ୍କର ଅନେକ ପୁସ୍ତକ ବଙ୍ଗଳାରେ ଓ ହିନ୍ଦିରେ ଅନୂଦିତ ହୋଇଛି । ସେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର, ଓଡ଼ିଶା ଲେଖିକା ସଂସଦ ଉପନ୍ୟାସ ସମ୍ମାନ, ଅମୃତାୟନ ଗଳ୍ପ ସମ୍ମାନ, ଭୁବନେଶ୍ୱର ପୁସ୍ତକମେଳା ଗଳ୍ପ ସମ୍ମାନ, ଗଙ୍ଗାଧର ରଥ ଫାଉଣ୍ଡେସନ୍ ତରଫରୁ ବୀଣାପାଣି ମହାନ୍ତି ଗଳ୍ପ ପୁରସ୍କାର ସହିତ ଆହୁରି ଅନେକ ସମ୍ମାନ ଓ ପୁରସ୍କାରର ଅଧିକାରିଣୀ । Read More Read Less